फेस्बुकाचा फोलपणा
जाणुन घ्या हो फेस्बुकाचा फोलपणा फिरून-फिरुनी पृथ्वीचा हा गोलपणा| हौशा-नवशा-गवश्यांसाठी नवलाई, बोलबच्चनी मतांत शोधा थोरपणा|| आस्तिक-नास्तिक तत्त्वविदांची गर्दी अन्, अमूल्यशा वेळेचा मातीमोलपणा|| अनर्थाप्रति लोकशाहि नेतात इथे, अभिव्यक्तिस्वातंत्र्याचा घनघोरपणा|| भले प्रगल्भहि लेव्हल सोडुनि बडबडती, विसरुनिया जाणीवांचा सखोलपणा || इथे शॉट डोक्याला लाउन घेऊ नये , केवळ चुत्त्येगिरी टवाळखोरपणा || उथळ जरी पाणी इथले परि समुद्र हा, काहि मोजक्या बेटांपाशी खोलपणा|| अफाट प्रतिभा लोकशक्ति जरि दिसत इथे, आंतरजाली त्याला कवडीमोलपणा|| कळले जरी हे व्यसन पूर्णत: ना सुटते, उसंत काढून करितो बडबडबोलपणा|| बोललो परी ऑनलायनी येइन मी, शब्दांचा हा केवळ गोलमटोलपणा|| परी पायरी फे.बू. सुटण्याची पहिलि, हाची या कवितेचा अन् अनमोलपणा||
